х орны хөгжлийн үндэс нь элэг бүтэн, сэтгэл хангалуун гэр бүл байдаг билээ. Очир Ундраа Групп нь нийгмийн хариуцлагын хүрээнд олон олон ажил хийж хэрэгжүүлдгийн нэг нь жил бүр Олон улсын хүүхдийн эрхийг хамгаалах өдрөөр ажилтан, албан хаагчдын хүүхдүүдийг баярлуулдаг явдал билээ.

Энэ жилийн хувьд бид бүхэн хүүхдийн баяраар ажилтнуудынхаа нийт 1144 хүүхдэд гарын бэлэг бэлдэж, гардуулан өглөө. “Жил бүр бид бүхэнд анхаарч, бидний хүүхдүүдийг баярлуулж байдаг байгууллагын захиргаа, нийт удирдлагууддаа баярлаа” хэмээн ажилтан бүр сэтгэл хангалуун талархлын үг хэлж байсныг сонсоход таатай байлаа. Мөн Очир Ундраа ОМЗ ББСБ-ын зүгээс жил бүр хүүхдийн баярыг угтаж бяцхан үрсийн дунд гар зургийн уралдаан зарладаг уламжлалтай бөгөөд уралдаанд зураг зурж ирүүлсэн хүүхэд бүрд гарын бэлэг өгч, хичээл сурлагын өндөр амжилт хүслээ.

Бид бүхэн цаашдаа Олон улсын хүүхдийн эрхийг хамгаалах өдрөөр дан ганц бэлэг гардуулаад зогсохгүй хүүхдийн ирээдүйн сайхан сайханд чиглэсэн олон олон ажил хийж хэрэгжүүлэхээр төлөвлөн ажиллаж байна.

Алдрай бяцхан үрс минь хүүхдийн баяраар аав ээж, ахан дүүс, найз нөхдийнхөө хамтаар инээд баясал, аз жаргалаар халгин цалгин сайхан тэмдэглэн өнгөрүүлээрэй.


Очир Ундраад тавтай морилно уу

Улс орныхоо эдийн засгийн хөгжил, үндэснийхээ өрсөлдөх чадварыг дээшлүүлэн бэхжүүлэх үйлсэд эерэг, үнэ цэнэтэй хувь нэмрийг оруулах эрхэм зорилгын дор Очир Ундраачууд бид 900-уулаа уул уурхай, дэд бүтэц инженеринг, хими, санхүү зэрэг салбарт ирээдүйг бүтээлцэх хүсэл, эрмэлзэл, эрч хүчээр жигүүрлэн хөгжин, цэцэглэсээр ирлээ.

Ажилтан бүрт мэдрэмж, шинэчлэлийг хослуулан ахиж дэвжих, тасралтгүй хөгжиж, өрсөлдөх чадвараа нэмэгдүүлэх боломж олгох нь бидний эрхэмлэх чухал зүйлийн тэргүүн эгнээнд байдаг. Шударга үнэнийг эрхэмлэн хариуцлагатай, бүтээлч, бусдад хүндэтгэлтэй, ойлгомжтой, нээлттэй, тодорхой байх нь бидний алхам тутам, ажил үйлсдээ хэрэгжүүлж явах үнэт зүйлсэд багтдаг.
Танд уул уурхай, хими, эрчим хүч, барилга, санхүү, тээвэр, холбоо, мэдээлэл, эрдэм шинжилгээ, судалгааны салбаруудад өөрийн эрдэм мэдлэг, авьяас, ур чадвараа уралдуулан мэргэжлийнхээ болон хувь хүнийхээ хувьд хөгжин дэвших боломж боломж нээлттэй байна.
Энэхүү хуудсаар Танд Очир Ундраа Группд ажилд орох хүсэлт гаргах алхмууд, шинэ ажлын байрны зарууд болон ажилтан сонгон шалгаруулах үйл явцыг танилцуулахыг зорилоо.
Амжилт хүсье!

Хүндэтгэсэн,

Очир Ундраа ХХК-ийн Хүний нөөцийн удирдлагын газрын захирал

Т.ИЧИНХОРЛОО