“Очир Ундраа” ХХК нь үндсэн үйл ажиллагаандаа олон улсын чанарын менежментийн тогтолцооны ISO 9001:2015 стандартыг нэвтрүүлэн, хэрэгжүүлснийг 2018 оны 5 дугаар сарын 11-ний өдөр Стандартчилал хэмжил зүйн үндэсний төвөөс баталгаажууллаа.
Зах зээлийн нөхцөл, бизнесийн байгууллагын өрсөлдөөн улам бүр нэмэгдэж буй орчинд бүтээгдэхүүн, үйлчилгээний чанарыг сайжруулах болон хэрэглэгч, худалдан авагч, хамтрагч түншүүдийн шаардлага, хэрэгцээ ба хүлээлтэд нийцүүлэх, дасан зохицох, хэрэглэгчдэд төвлөрсөн, тэдний эрх ашгийг хамгаалсан, тогтвортой хөгжлийг эрхэмлэсэн компани болохоо бататгасан баярт мэдээг харилцагч, түншлэгч байгууллагууддаа дуулгахад таатай байна.
Цаашид бид харилцагчдынхаа сэтгэл ханамжийг дээшлүүлж, үнэнч түнш, бизнесийн найдвартай хамтрагч байхын төлөө чанарын менежментийн тогтолцоог тасралтгүй сайжруулж ажиллах болно.
Чанарын менежментийн тогтолцооны ISO 9001:2015 стандартыг нэвтрүүлж, хэрэгжүүлэхэд идэвх, зүтгэл гарган ажилласан чанарын баг, компанийн хамт олондоо баяр хүргэж, амжилт хүсье.






“Очир Ундраа”-г сонгох 10 шалтгаан

1. Бид манлайлдаг

Сүүлийн 13 жил Монгол Улсын Засгийн Газар, Монголын Үндэсний Худалдаа Аж Үйлдвэрийн Танхимаас олгодог “Үндэсний Шилдэг аж ахуйн нэгж” өргөмжлөлийг тасралтгүй хүртсэн шилдэг, нэр хүндтэй, үндэсний байгууллагын нэг.

2. Бид дэмждэг

Шинэ оновчтой санаа, санаачлагыг урамшуулан дэмждэг системтэй.

3. Бид хөгжүүлдэг

Мэргэжлээрээ болон өөрийгөө хөгжүүлэх хөгжлийн хөтөлбөрт хамрагдаж, мэдлэг, ур чадвараа тасралтгүй хөгжүүлэх боломжтой.

4. Бид урамшуулдаг

Зах зээлд өрсөлдөхүйц тогтмол цалин олгож ажлын үр дүн, гүйцэтгэл, ур чадварт тулгуурлан нэмж олгодог шагнал урамшууллын системтэй.

5. Бид боломж олгодог

Албан тушаал ахиж дэвших орчныг бүрдүүлсэн ижил тэгш боломж.

6. Бид ёс зүйг эрхэмлэдэг

Зөв, шударгыг эрхэмлэн дээдлэдэг үнэт зүйлс соёлтой, “Ёс зүйн дүрэм” боловсруулан хэрэгжүүлдэг.

7. Бид оролцоог эрхэмлэдэг

Дотоод менежментийн асуудлуудаа нийт ажилтнуудаа оролцуулан тэдний саналд тулгуурлан шийдвэрлэдэг.

8. Бид бусдыг сонсдог

Менежментээ сайжруулах боломж нь хэрэглэгчдээс ирсэн санал, гомдол бөгөөд бид энэхүү асуудлыг хүлээн авч бүрэн шийдвэрлэдэг.

9. Бид бүтээмж, чанарт анхаардаг

Бид шууд ашиг нэмэгдүүлэхэд бус харин бүтээмж, чанарыг өсгөх замаар ашгийг нэмэгдүүлэхэд гол анхаарлаа тавьдаг.

10. Бид хөрвөх чадвартай

Бид бизнесийн олон чиглэлд хөрвөн ажиллах боломжийг олгодог.