Очир Ундраа групп нь байгуулагдсан цагаас эхлэн уул уухайн салбарт тасралтгүй үйл ажиллагаа явуулж буй үндэсний хөрөнгө оруулалттай групп компани бөгөөд одоогоор тус салбарт 600 гаруй хүн ажиллаж байна. Бид бүхэн уул уурхайн салбарт иж бүрэн, цогц ажил үйлчилгээ үзүүлдэгээр онцлогтой.

Тус групп нь 2002-2005 онуудад Зоолуухарын алтны шороон ордод геологи-хайгуулын ажлыг цогцоор нь хийж гүйцэтгэснээр геологи-хайгуулын чиглэлээр үйл ажиллагаа явуулж эхэлсэн түүхтэй. Манай компанид мэргэжлээрээ олон жил ажилласан, стратегийн ач холбогдол бүхий томоохон геологи хайгуулын төслүүд дээр ажиллаж байсан туршлагатай нарийн мэргэшсэн геологичид, дадлага туршлагатай уул уурхайн инженерүүд, хайгуулын өрөмдлөгийн мэргэшсэн мастер операторууд ажиллаж байна.

Бид бүхэн уул уурхайн салбарт өрөмдлөг, тэсэлгээний ажил, үйлчилгээ эрхэлдэг бөгөөд байгуулагдсан цагаас эхлэн үйл ажиллагаагаа тогтмол өргөжүүлэн тэлж, зах зээлдээ тэргүүлэгч байр суурь эзэлсэн Монгол улсын ТОП-100 аж ахуйн нэгжийн нэг болсон байна.

Мөн бид бүхэн уул уурхайн салбарт олборлолтын ажил үйлчилгээ, техникийн нөхөн сэргээлт, авто зам барих ажил үйлчилгээг үзүүлэн ажилладаг бөгөөд хэрэглэгч, харилцагчдад хамгийн өндөр үр дүн, гүйцэтгэл, үнэ цэнэ, бүтээмжийг хүргэн ажилладаг. Мөн химийн бодис, уул уурхайн бүтээгдэхүүн, түүхий эд тээвэрлэх тусгай зөвшөөрөл бүхий бүрэн тоноглогдсон тээврийн хэрэгслээр аюулгүй, найдвартай тээвэр, ложистикийн үйлчилгээ үзүүлэн ажиллаж байна.

Манай хамт олон 2010 оноос уул уурхай, зам барилгын салбарын кэмп, катерингийн үйлчилгээг үзүүлж эхэлсэн ба 120 хүнийг нэгэн зэрэг хүлээн авах хүчин чадалтай гэр кэмпийг барьж байгуулан, 2012 онд 230 хүнийг нэгэн зэрэг хүлээн авах хүчин чадалтай 2 давхар амрах байр бүхий үйлчилгээний цогцолбор барилга, байгууламжийг нэмж ашиглалтад оруулан үйл ажиллагаа явуулж байна. 2015 оноос үйл ажиллагаагаа өргөжүүлэн тэлж, биологийн нөхөн сэргээлт, кэмп, катерингийн үйлчилгээг харилцагчдынхаа эрэлт хэрэгцээнд тулгуурлан үзүүлж, хүрээлэн буй орчны аюулгүй байдал, эрүүл ахуйн чанарын удирдлагын стандартад нийцсэн үйлчилгээг хүргэхийг зорин ажиллаж байна.

Очир Ундраа групп нь 2005 онд барилгын үйл ажиллагаа эрхлэх тусгай зөвшөөрөл авснаар барилга, дэд бүтцийн салбарт үйл ажиллагаа явуулж эхэлсэн түүхтэй. Бид бүхэн одоогоор орон сууцны болон орон сууцны бус барилга угсралтын ажил үйлчилгээ, аж үйлдвэрийн болон дэд бүтцийн барилга байгууламжийн барилга угсралтын ажил үйлчилгээ, барилга, инженерингийн төслийн менежментийн үйлчилгээ, барилгын зураг төсөл, инженерингийн үйлчилгээ, хөдөлмөрийн эрүүл мэнд, аюулгүй байдлын удирдлагын тогтолцооны олон улсын стандартын зөвлөх үйлчилгээ, барилгын материалын үйлдвэрлэл /бетон, хайрга дайраг г.м/, харилцаа, холбооны технологи, тоног төхөөрөмжийн нийлүүлэлт, угсралт, суурилуулалтын үйлчилгээг тус тус үзүүлэн ажиллаж байна.

Очир Ундраа групп нь УБ хотод 140 айлын орон сууцны барилга, Эрдэнэт хотод 325 айлын орон сууцны барилга, БЗД-т байрлах тээвэр, ложистикийн төвийн оффис, грашийн иж бүрэн цогцолбор, Өмнөговь аймагт байрлах 200 хүнийг нэгэн зэрэг хүлээн авах хүчин чадалтай кэмпийн иж бүрэн цогцолбор, Налайх дүүрэг, Өмнөговь аймагт байрлах үйлдвэрлэлийн барилгын иж бүрэн цогцолбор, Хэрлэн-Чойбалсан, Баянцогт, Орхонтуул сумын нийт 129 км газрын шилэн кабель, Жаргалтхаан-Дэлгэрхаан чиглэлийн тоон радио релений 50 км шугам зэргийг барьж байгуулан, улсын комиссод хүлээлгэн өгсөн байна.

Очир Ундраа групп нь химийн үйлдвэрлэлийн салбарт үйл ажиллагаа явуулдаг дотоодын цөөхөн компаниудын нэг юм. Тус групп нь 2006 онд анхны тэсрэх бодисын үйлдвэрийг ашиглалтад оруулснаас хойш нийт 6 үйлдвэрийг ашиглалтад оруулан үйл ажиллагааг нь тасралтгүй явуулж байна. Очир Ундраа групп нь тус үйлдвэрүүдийг ашиглалтад оруулснаар Монгол Улсын өрсөлдөх чадварыг нэмэгдүүлж, дотооддоо нэмүү өртөг бий болгоод зогсохгүй гадагш урсах валютын урсгалыг багасгаж, улс орны хөгжил цэцэглэлтэд жинтэй хувь нэмэр оруулж байна.

Т11- Энгийн тэсрэх бодисын үйлдвэр

Т12- Эмульсийн тэсрэх бодисын үйлдвэр

Т13- Савласан эмульсийн тэсрэх бодисын үйлдвэр

Т14- Өдөөгч тэсрэх бодисын үйлдвэр

Т15- Тэсэлгээний хэрэгсэл угсрах үйлдвэр

Т16- Задгай эмульсийн тэсрэх бодисын үйлдвэр

Эдгээр үйлдвэрүүдэд ОХУ, АНУ, БНХАУ зэрэг улсуудын дэлхийд шалгарсан тэсэлгээний технологиудыг нутагшуулж, тоног төхөөрөмж угсрах, суурилуулалт болон туршилтын үйл ажиллагааг ОХУ, Америк, Канад, Унгар, БНХАУ-ын мэргэжилтнүүдийн хамт амжилттай хэрэгжүүлж байна. Мөн бүрэн автомат ажиллагаатайн дээр аюулгүй ажиллагааг дээд зэргээр хангасан, өндөр технологи, хүчин чадал бүхий үйлдвэрүүд бөгөөд бид эдгээр үйлдвэрүүдийг ажиллуулснаар бүх төрлийн тэсрэх бодисын бүтээгдэхүүнийг эх орондоо үйлдвэрлэж, дотоодын хэрэгцээг бүрэн хангаж байна.

Очир Ундраа групп нь санхүүгийн салбарт 21 аймагт салбар нэгжтэйгээр үйл ажиллагаа явуулж байна. Манай групп нь анхлан 2003 онд үндэсний 100% хөрөнгө оруулалттай даатгалын компанийг байгуулан санхүүгийн салбарт үйл ажиллагаа явуулж эхэлсэн бол өдгөө салбартаа шинэ өнгө төрх, шинэлэг бүхний анхдагч нь болсон хамт олон болж өргөжин тэлжээ. Бид бүхэн өдгөө 21 аймагт салбараа нээж, 330 суманд төлөөлөгчтэйгээр үйл ажиллагаагаа явуулж, олон улсын стандартад нийцсэн бүтээгдэхүүн үйлчилгээг хүргэхийг зорин ажиллаж байна.

Очир Ундраа групп нь давхардсан тоогоор 3200 харилцагчид 100 гаруй тэрбум төгрөгийн зээл олгож, уг санхүүжилтээр дамжуулан 3000 орчим ажлын байр бий болгосон байна. 2017 оны байдлаар нийт хөрөнгө 18.9 тэрбум төгрөг, өөрийн хөрөнгө 14.9 тэрбум төгрөгт хүрч, улсын төсөвт 411 сая гаруй төгрөг төвлөрүүлж, санхүүгийн салбарын хөгжилд өөрийн хувь нэмрээ оруулан ажиллаж байна.

Бид алхам алхмаар хөгжин дэвшихийг эрмэлзэн дэвшилтэт технологи, шинэ бүтээгдэхүүн үйлчилгээг нэвтрүүлж иргэдийн даатгал, байгууллагын даатгал, давхар даатгалын үйлчилгээ, шуурхай зээл, хэрэглээний зээл, бизнесийн зээл, валют арилжаа, итгэлцлийн үйлчилгээг харилцагчдад үзүүлэн ажиллаж, үйлчилгээнээс хүртэх сэтгэл ханамжийг хамгийн өндөр төвшинд байлгахаар зорин ажиллаж байна.