Баялаг бүтээх Хүч

Бидний түүхийг үзэх

Бид хэн бэ

Очир Ундраа Групп нь Монгол Улсын хөгжилд нэн шаардлагатай үйлдвэрлэл, бүтээгдэхүүн, үйлчилгээг дотоодын чадавх, инженерчлэл, хөрөнгө оруулалтад тулгуурлан хөгжүүлж, үндэсний эдийн засагт бодит үнэ цэн бүтээдэг хувийн хэвшлийн групп компани юм.

Бид уул уурхай, аж үйлдвэр, дэд бүтэц, инженерчлэл, импорт, ложистик, санхүүгийн салбаруудад хуримтлуулсан туршлага, нөөц, чадавхаа нэгтгэн, салбар хоорондын уялдаа, үр ашиг, найдвартай ажиллагааг хангах цогц шийдэл бий болгодог.

Бидний үйл ажиллагааны үндэс нь зөвхөн бизнесийн өсөлт бус, Монгол Улсад үйлдвэрлэж, бүтээж, шийдвэрлэж чадах үндэсний чадавхыг өргөжүүлэх, стратегийн нийлүүлэлтийн хараат байдлыг бууруулах, олон улсын түвшинд өрсөлдөх аж үйлдвэрийн суурийг бэхжүүлэх урт хугацааны хөгжлийн үзэл баримтлал юм.

4 экосистем20+ компани үйл ажиллагаа явуулдаг
10+ үйлдвэрСтратегийн байршлуудад байрладаг
1300+Өсөлтийг бий болгох ажиллах хүчин
50,000 тоннАммонийн нитратын агуулахын хүчин чадал
1,000+ түншДотоод, гадаад түншүүд
300+Хөдлөх бүрэлдэхүүн

Өнөөдөр Очир Ундраа Групп нь 20 гаруй охин болон хараат компани, 1,300 гаруй ажилтныг нэгтгэсэн, бизнесийн дөрвөн экосистемийг стратегийн нэгдсэн удирдлагаар хөгжүүлж буй үндэсний групп компани юм.

Бид уул уурхайн салбарт үйлдвэрлэлийн тэсрэх материалын 10 үйлдвэр байгуулж, 50,000 тонн химийн бодис, түүхий эд хадгалах хүчин чадал бүхий агуулах, ложистикийн дэд бүтцийг бүрдүүлсэн.

Оффисын хүлээн авах хэсэг

Группийн хэмжээнд жилд 681,000 тонн үйлдвэрлэлийн тэсрэх бодис үйлдвэрлэх, 10 сая тууш метр өрөмдлөг гүйцэтгэх хүчин чадалтай бөгөөд үйлдвэрлэлийн бүтээмж, технологи, инженерчлэлийн чадавхаа тасралтгүй өргөжүүлж байна.

Үйлдвэр, агуулахын цогцолборыг дээрээс харуулсан зураг

Санхүүгийн салбар дахь компаниудаараа 374,500 гаруй харилцагчид үйлчилгээ үзүүлж, 700 тэрбум төгрөгөөс давсан санхүүжилт олгон, бизнесийн өсөлт, санхүүгийн хүртээмжийг дэмжиж ирлээ.

Эдгээр үзүүлэлт нь Очир Ундраа Группийн хөрөнгө оруулалт, үйлдвэрлэл, инженерчлэл, санхүүгийн чадавх төдийгүй Монгол Улсын стратегийн салбаруудын найдвартай, тогтвортой үйл ажиллагаанд оруулж буй бодит хувь нэмрийг илэрхийлж байна.

Барилгын талбай дээрх ажилтнууд

Бидний философи

Эрхэм зорилго

Дэлхийд өрсөлдөх
Монголыг бүтээлцэнэ.

Уриа

Баялаг бүтээх хүч

Үнэт зүйлс

Бидний ажиллах арга барил, хамтдаа хөгжих соёлын үндэс

#1

Манлайлал

Бид үлгэрлэн манлайлж, шийдвэр бүрийнхээ эзэн байж, сорилтыг боломж болгон хувиргадаг.

#2

Төгөлдөр гүйцэтгэл

Бид ажил бүртээ хамгийн өндөр стандартыг мөрдөж, мэргэжлийн ур ухаан, мэдрэмжээр үргэлж илүү сайн шийдлийг эрэлхийлдэг.

#3

Инновац

Бид шинэ санааг зоригтой туршиж, өөрчлөлтийг манлайлж, ирээдүйг бүтээх шийдэлд хөрөнгө оруулдаг.

#4

Хамтын хүч

Бид хамтын зорилгын төлөө мэдлэг, туршлага, амжилтаа хуваалцаж, хамтдаа илүү өндөрт хүрдэг.

#5

Хүндэтгэл

Бид хүн, нийгэм, байгаль орчноо эрхэмлэн, хариуцлагатай үйл ажиллагаагаар тогтвортой үнэ цэнийг бүтээдэг.

Итгэлээс үнэ цэн, үнэ цэнээс хөгжил

Т. Гантөмөр

Эрхэм түншүүд, харилцагчид, хөрөнгө оруулагчид, хамт олон та бүхэндээ энэ өдрийн мэндийг хүргэе.
Монгол хүн мэдлэг, ур чадвар, инженерийн сэтгэлгээ, тууштай хөдөлмөрөөрөө дэлхийд өрсөлдөх үнэ цэнийг бүтээж чадна гэдэгт би үргэлж итгэдэг. Энэ итгэл үнэмшлийнхээ үндсэн дээр бид 2000 онд Очир Ундраа Группийн суурийг тавьсан.

Өнөөдөр бид уул уурхайн үйлчилгээ, үйлдвэрлэл, инженерчлэл, тээвэр, ложистик, санхүүгийн бизнесүүдийнхээ мэдлэг, туршлага, чадавхыг нэгтгэж, харилцагчдынхаа хэрэгцээнд нийцсэн цогц шийдэл хөгжүүлж байна.

Бид хөгжил бүтээхийн төлөө бизнес эрхэлдэг. Итгэл бол бидний хамгийн үнэ цэнтэй хөрөнгө. Шударга үйл ажиллагаа, амлалтаа биелүүлсэн үр дүнгээр бид итгэлийг бий болгож, хамгаалж ирсэн.

Хүний амь нас, эрүүл мэндийг нэн тэргүүнд тавьж, ил тод ажиллан, гаргасан шийдвэр бүрийнхээ үр дүнд хариуцлага хүлээх нь бидний баримталдаг үндсэн зарчим юм.

Цаашид бид ажилтнуудынхаа хөгжил, инженерчлэл, технологи, инновацид хөрөнгө оруулж, үндэсний үйлдвэрлэлийн чадавхыг бэхжүүлэн, бүтээмж, өрсөлдөх чадварыг нэмэгдүүлэхийн төлөө тууштай ажиллах болно.
Бидэнд итгэл хүлээлгэн, хамтдаа үнэ цэн бүтээж ирсэн харилцагчид, түншүүд, хөрөнгө оруулагчид болон үе үеийн хамт олондоо чин сэтгэлийн талархал илэрхийлье!

Ирээдүйн үнэ цэнийг та бүхэнтэйгээ хамт бүтээнэ гэдэгт би итгэдэг.

Т. Гантөмөр, Үүсгэн байгуулагч

Холбоотой мэдээлэл

БИДЭНТЭЙ НЭГДЭЭРЭЙ

Өөрчлөлтийг түүчээлэгчид наашаа!

Өөрийн ур чадвар, хүсэл тэмүүлэлд нийцэх ажлын байрыг Очир Ундраа Группээс олоорой. Таны карьерын замнал ч гэсэн бидний бизнесийн түүх шиг дахин давтагдашгүй байх ёстой.

Нээлттэй ажлын байр