Инженерингийн шийдэл

МЕРА Иновэйшн ХХК нь уул уурхайн салбарт үйлдвэрлэлийн технологи, инженерингийн шинэ шийдэл, инновацын бүтээгдэхүүн хөгжүүлдэг судалгаа, хөгжүүлэлтийн чиглэлээр мэргэшсэн инженерингийн компани юм. Бид захиалагчийн хэрэгцээ, үйлдвэрлэлийн бодит сорилтод тулгуурлан шинэ технологийг судалж, боловсруулан, Монгол инженерүүдийн мэдлэг, ур чадварыг практикт нэвтрүүлэх замаар үндэсний үйлдвэрлэлийн өрсөлдөх чадварыг нэмэгдүүлэхэд хувь нэмрээ оруулж байна.

МЕРА Инженеринг ХХК нь уул уурхайн инженерчлэл, үйлдвэрийн барилга байгууламж, тусгай зориулалтын машин, тоног төхөөрөмжийн үйлдвэрлэл, угсралтын чиглэлээр үйл ажиллагаа явуулдаг. Бид уул уурхайн зориулалттай техник, тоног төхөөрөмжийн инженерингийн шийдлийг хэрэгжүүлэхийн зэрэгцээ Монголын баруун бүсийн уурхайнуудад үйлдвэрлэлийн тэсрэх бодисын үйлдвэрлэл, өрөмдлөг, тэсэлгээний цогц үйлчилгээг үзүүлдэг.

Бүтээгч ХХК нь 2005 оноос хойш иргэний болон үйлдвэрийн барилга угсралт, инженерингийн чиглэлээр үйл ажиллагаа явуулж байна. Бид барилгын зураг төсөл, угсралт, инженерингийн цогц үйлчилгээг чанар, аюулгүй ажиллагааны стандартын дагуу хэрэгжүүлж, Улаанбаатар хот болон орон нутагт захиалагчдын хэрэгцээнд нийцсэн бүтээн байгуулалтын төслүүдийг амжилттай хэрэгжүүлж байна.

Интелликом ХХК нь мэдээллийн технологи, харилцаа холбооны дэд бүтэц, системийн интеграцчлалын чиглэлээр цогц шийдэл үзүүлдэг компани юм. Бид дотоод, гадаад сүлжээний шийдэл, харилцаа холбооны тоног төхөөрөмжийн нийлүүлэлт, суурилуулалт, программ хангамжийн хөгжүүлэлт, нэвтрүүлэлт болон IT-ийн зөвлөх үйлчилгээг харилцагчийн хэрэгцээнд нийцүүлэн хэрэгжүүлдэг.